سلام بنات
معي لكم اليوم سلطه خفيفه لذيذه راقيه في تقديمها
وطعمهااااا لايقاوم
عن تجربه بصراحه خطيره
ما راح اطول عليكم اخليكم مع الطريقه


المقادير :
خس امريكي مقطع شرايح طوليه
ملفوف ابيض شرايح طوليه
جزر مبشور
فلفل الوان مقطع اعواد
ذره

الصوص :
صلصة رانش
شوية خردل
فلفل رومي احمر
فلفل رومي اخضر

الطريقه:طبعا نخلط المقادير مع بعض وقبل مانسوي الصوص نقسم السلطه لقسمين
نخلط الرانش مع الخردل ونقسم الصوص لقسمين
نحط القسم الاول بالخلاط مع الفلفل الاحمر ونطحنهم سوى لين يصير اللون وردي ونضيفه للقسم الاول من السلطه
نحط القسم الثاني بالخلاط مع الفلفل الاخضر ونخلطهم لين يصير اللون اخضر ونضيفهم للقسم الثاني من السلطه
نستخدم لهالسلطه كاسات او صحن مقعر شفاف عشان تبان الالون
نحط الجزء الاول لين نصف الكاس والباقي من الجزء الثاني
طبعا تلاحظون بالصوره ان الصوص نازل السبب اني غلطت وكثرت الفلفل فصار مويه وثانيا اضفت زبادي وخفف الصوص اكثر

وهذي هي صلصة رانش للي ما تعرفهاا في اي سوبر ماركت تحصلينها