صفحة 1 من 2 1 2 الأخيرةالأخيرة
النتائج 1 إلى 5 من 8

الموضوع: موسوعة الحواجب

  1. #1
    مشـرفـة قسـم البشره والميـك اب .. الصورة الرمزية Ṧwёёt Ḿάŗŏ
    تاريخ التسجيل
    Oct 2011
    المشاركات
    4,799

    موسوعة الحواجب المشاهدات 7685

    مسـآء السعــآده للكل

    بتكلم بالتفصيل عن الحواجب .. مابنحكي كيف نشقر ولا احسن منتج إلخ
    لأن مو هذا المهم .. المهم على اي اساس بنرسم ونشقر ونعدل !!
    شكل الحاجب وهل يناسب تقاسيم وجهك أو لأ .. هاذي الحكايه ولب الموضوع
    أهميتهم ثوريه في عالم الجمال
    ومع كذا ماشوف إلا تعتيم إعلامي عليه
    و الكلام عنه قليل إذا ماكان نادر
    بالذات من خبراء التجميل والبرامج الخاصه بالتجميل
    كثير جداً يعانون من هالموضوع بالذات اللي ماعندهم حس فني
    فيحتاجون يد خبيره تساعدهم وهذا للأسف مو متوفر حتى في أفخم الصالونات هنا
    إما تنتظرك أنتي تحددين لها الرسمه وهي تطبقها أو ترسم لك اللي متعوده عليه وتضبطه بغض النظر عن تناسبك أو لأ
    تأثير الحواجب على الوجه خطير خطير

    ممكن يخلي وجهك دب بزياده كأنك محتاجه تنحفين
    ممكن يخلي انفك عريض وبارز
    ممكن يخلي عيونك جاحظه
    ممكن يلفت الإنتباه لأسوأ عيوب وجهك على الإطلاق
    ممكن يصغر جبهتك ويطول وجهك
    وممن يعطي إحساس ان جفونك مترهله أو كبيره فالسن
    وعشرات التأثيرات اللي تعتبر تأثيرات بصريه ثلاثية الأبعاد
    ممكن أنفك يبان بشع جداً وممكن يتحول لأنف نعوم ورقيق من رسمة حاجب للثانيه
    والصور بعد شوي بتثبت لكم

    وقبل مانبدأ الموضوع بقولكم حاجه صغيره
    الموضوع هذا مجهودي الشخصي بنسبة 99%
    يمكن الشي الوحيد اللي أخذته من خبراء التجميل على مسوى العالم
    هو المقياس الأساسي لرسمة الحاجب
    واللي للأسف عام بزياده وممكن ينطبق كمقياس ويكون ناجح وصحيح على ابشع الحواجب

    مارآح استعرض لكم صور حواجب بشعه او ناس نص لفه من النت
    أخترت لكم مجموعه كبيره من صور مشاهير العالم من الشرق والغرب
    عشان أوصل المعلومه بطريقه واضحه مو نظريه لأنهم ع الأغلب
    رسموا حواجبهم بيد خبراء ومتخصصين ولكل إنسان نظرته بكل الأحوال
    ...
    وإختلاف وجهات النظر لايفسد للود قضيه
    والجمال ومقاييسه أذواق تختلف من شخص للثاني

    ملاحظه :

    قراءة الموضوع يبيلها طولة بال .. حاولت أرتب الموضوع على هيئة نقاط مع الصور على قد ما اقدر
    بس المشكله انو في صور ينطبق عليها اشياء كثير واضطر ادخل في اكثر من موضوع بنفس النقطه ..
    اتمنى تعذروني بس الله يعلم كيف تعتبت عشان أوصل لكم معلومه مفيده وعمليه
    مو استعراض صور وزيادة مواضيع وبس

    ببدأ بالمقاييس العامه للحواجب اللي بتلاقونها فأول صفحه من قوقل لو بحثتوا عن أنسب رسمة حواجب



    الخطوط الحمراء تدلكم وين لازم يبدأ الحاجب وين لازم ينتهي



    [IMG]الخط رقم 2 هنا .. يدلكم وين لازم يكون مكان زاوية الحاجب في حال كان فيه زاويه [/IMG]



    وهنا خطوط أكثر دقه لمكان الحاجب وحجمه المثالي بالنسبه لوجهك
    وكمان مو فالحسبان الحاجب اللي ع الموضوه .. أو تفاصيل دقيقه ثانيه زي الي بنحكي عنها



    هنا بنحكي عن شوية أشياء عامه وبسيطه .. وشوي شوي نبدا ندخل بالتفاصيل
    وتترتب أفكاركم

    إبعدي عن الحواجب اللي تعطي وجهك تعبير معين !! ( دائم )



    من اليسار

    الأولى: رسمة حواجبها تعطي تعبير عن حاله شعوريه ..
    مو منطقي تكون ملازمه للوجه 24 24
    لدرجة انك حتى لو كنتي حزينه ماعاد يفرق
    لازم يكون شكلهم طبيعي وموقعهم فوق العيون طبيعي
    بحيث انو تقدرين توصلين اي تعبير في داخلك
    بدون مايتداخل معه تعابير ثانيه سببها حواجبك

    الثانيه :رسمة حواجبها تعطي الوجه تعبير يفترض يكون تعبير عضلي للوجه يعبر عن حاله شعوريه معينه ..
    لكن يعبر عنها بعضلة الحاجب مو شعر الحاجب
    ويفترض يكون لمدة زمنيه قصيره ..
    مو نصحى وونام وعلى وجهنا نفس التعبير
    اللي ماتدرين صاحبه وش يبي

    الثالثه :هذا التعبير أسميه التعبير الأبله ..
    مو سيء كـ شكل أو كـ رسمة حاجب
    لكن المشكله ان الوجه مو لوحه ..
    ومو مطلوب منه يكون جمال صامت
    لأنه اكبر آداه في الجسم تعبر عن المشاعر وتتواصل مع العالم
    أبداً ماينفع نستخدم شكل الحاجب اللي تكونه العضلا ت
    في التعبير عن حاله معينه ونرسم الحاجب على اساسها وتصير حاله شعوريه دائمه

    الرابعه :هذا اللوك كثير ناس تحبه اللوك النمري اللوك المتوحش
    لوك ينفع عشان توصلين فكره معينه .. ممكن فنانه في فيديو كليب
    شخصيه تاريخيه قويه .. شي من هالقبيل بس انسانه حقيقيه يكون هذا لوكها أحسه زي الماسك على الشخصيه الحقيقيه ... ومو حلو ع المدى الطويل
    اللي اتذكرهم يسوونه دايما رنا الأبيض .. نورمان أسعد .. لفتره شمس وكمان يارا أول مشوارها كان هذا اللوك اللي تتبعته بعدين راحت لجو النعومه بقوه

    تنحيف الحواجب تتخيلين يحسسك بالنظافه والنعومه والترتيب يطيحك في مطب مرتب

    دايما الشعر سواء في فروة الراس او في الحواجب او في الرموش دليل شباب وحيويه والعكس صحيح مهما كانت صاحبته جميله والصور بتوريكم الفرق





    ع اليمين كثير طالعه كبيره فالعمر اعطيها فوق 33 بالراحه

    كمان معطي النظره نوع من الجمود وملامح الوجه ككل مافيها شي يجذبك تطالعينه

    بينما ع اليسار أختلفت الصوره تماما

    نظرة العيون صارت لطيفه .. وتقاسيم الوجه فيها شي ممكن تطالعينه

    كل هذا لأنها كثفت حواجبها شوي

    تحسين يسوي تناسق في الألوان وتدرجها في الوجه





    مابين اليمين واليسار فرق عمر مو أقل من عشر سنوات

    تأثير الحواجب واضح على رسمة العين ورسمة الوجه وحتى تعبير الوجه نفسه

    حتى لون البشره بين الصورتين مره كان نعمه ومره كان نقمه

    الحواجب الرفيعه اعطت احساس ان البشره دهنيه وتعبانه ولونها مو محبب مره

    أما فاليسار التناقض بين لون الحاجب والبشره أوحى بالشباب والنضاره والصفاء






    الصوره تنطق مو محتاجه كلام

    لما عرضت الحاجب .. صار شكلها رآقي بشكل

    عظام وجهها حاده ووجهها مساحته كبيره .. يحتاج حاجب عريض يسوي توازن للملامح

    اما الصوره بالحاجب الرفيه تحسين حتى وزنها زايد والمسافه مابين العين والحاجب كانت بزياده






    دمآر شامل .. الحاجب الرفيع أظهر بشاعة أنفها بشكل غريب وخلق الله حسن

    وبعد ماعرضت الحاجب تحسيت أبعدت الإنتباه عن الأنف وأبرزت جمال الجفن اللي خربته بترفيع الحاجب من المنطقه الأماميه




    أول حاجه تلاحظونها تـاثير الحاجب على الخد

    فالصوره الاولى تحسينها شدوق مو خدود واحتمال كبير يبغالها شفط

    أما الثانيه طالعه بنوتيه وخدودها تزنن

    وحتى عيونها فالحاجب الرفيه طالعه كأنها مرهقه .. أما بالحاجب العريض طالعه نظرتها نعومه وجذابه






    ملا تغيير على قولة اللبنانيه

    أتكلم عن الأنف اللي كان منقار وصار سلة سيف بسبب الحواجب

    ولا أتكلم عن الجفون المترهله اللي صارت ناعسه بسبب الحواجب

    أحييها صراحه على هالتغيير




    أول تأثير تلاحظونه ... أن الأنف كان حااااااد جدا وصار جميل جدا

    بعد هالمجموعه أتمنى تكونوا استوعبتوا الدرس الثاني

    لا للحواجب الرفيعه

    إما بتخلي حجم وجهك كبير .. كبيره فالعمر .. ملامحك خشنه أو حاده

    وتبرز أصغر عيوب وجهك

    لون الحاجب والشعر!!! التناسق بين لون الحاجب ولون الشعر مره مهم ويخلي الطله أشيك وأرقى
    كل الدرجات مابين الأسود والأشقر الغامق ممكن تكون الحواجب مطالبقه لها تماما
    إلا الأسود الحالك .. يفضل يوقف تغميق الحواجب عند الرمادي الغامق وبنشوف الصور
    أما الأشقر الفاتح ودرجاته يفضل يوقف تفتيح الحاجب عند الأشقر الغامق




    من اليمين تلاحظون الشعر مطابق للحواجب تماما وهالشي يخلي لون شعرك يبان كأنه طبيعي مو مصبوغ .. اما آخر صوره عاليسار وقف تفتيح الحواجب عند الأشقر الغامق
    والكل طالع شكله ستايلش ومرتب مره




    مااظن راح نفهم أكثر منهم إستشاره مجانيه من الخبراء + عينه كـ تطبيق



    هاذي أفتح درجه ممكن توصل لها الحواجب ومن بعدها يبدأ تفتيح الشعر بس



    هنا أخطاء لاتغتفر .. لجين شعرها أسود وحواجبها بني حتى مو غامق .. بني محمر
    واللي بعدها حواجب سودا وشعر أشقر !!
    ماظن ممكن يلفتك فهالأثنين جمال الشعر او جمال الحاجب اللي راح يلفتك على طول
    التناقض بين الألوان وبعدها تمشين

    لاترسمين حواجبك بحده من الأمام





    شوفوا معاي هالصور .. اذا ملامحك كبيره او بارزه أو فيها خشونه
    تكونين قتلتي بصيص الأمل انو شكلك يصير انثوي من خلال هالمربع

    هو حلو على ناس معينه بس الناس هاذي قلييييله وكمان يحتاج ستايل شكل معين
    يعني ملامحك على حواجبك على تسريحة شعرك لازم يكون في بينها صله معينه تكمل الستايل

    اما الصور السابقه ممكن تكون فعلا رسمه متقنه ومكياج متقن كـ رسم وحرفيه
    بس أنتي وينك من كل هالشي .. وين نظرتك وملامحك الخاصه وتفاصيلك كإنسانه
    لازم يكون فيك شي غير عن الكل وبفقره ثانيه حنتكلم عن هالشي بالتفصيل






    شوفوا معاي هنا .. تقريبا نفس نوعية الملامح اللي فوق .. تتنوع مابين الكبيره والبارزه الخ
    لكن كل وحده احتفظت ببداية الحاجب الطبيعيه وكملت وعدلت الباقي فقط وكلهم طالعين كيوت وفيهم انوثه مره ومحتفظين بستايل شخصي

    صححي العيب قبل تفكرين كيف تعدلين الرسمه او تغيرينها عشان توضح الصوره قدامك


    شوفوا معاي هنا .. تقريبا نفس نوعية الملامح اللي فوق .. تتنوع مابين الكبيره والبارزه الخ
    لكن كل وحده احتفظت ببداية الحاجب الطبيعيه وكملت وعدلت الباقي فقط وكلهم طالعين كيوت وفيهم انوثه مره ومحتفظين بستايل شخصي

    صححي العيب قبل تفكرين كيف تعدلين الرسمه او تغيرينها عشان توضح الصوره قدامك






    ع اليسار شايفين كيف الحواجب بعيييييده ... تحسون كأن نظرتها مشتته

    وع اليسار بعد التصحيح .. من هنا تقدر حضرتها تبدأ تشوف وش تبغى تسوي بعد كتجميل



    وهنا كمان نظرات بلهاء المسافه بين الحاجبين كبيرررررررررررره
    كان المفروض تعدل المسافه مابينهم بعدين ترسم الحاجب وتتفنن





    هنا الحواجب طبيعيه جايه واحد تشاينيز واحد فيه كسره
    لازم تسوي قرعه وترسم واحد منهم كربون من الثانى
    منقووول
    التعديل الأخير تم بواسطة Ṧwёёt Ḿάŗŏ ; 03-28-2012 الساعة 04:29 AM
    التوقيع
    التعليقات
  2. الصورة الرمزية جــــ σσσ∂уנ ــــودي ~

    جــــ σσσ∂уנ ــــودي ~

    #2
    موضوع اكثر من رائع .. تشكرين عليه عزيزتي ~

    يستحق التقييم .. تسلمين يالغلا ..

  3. الصورة الرمزية نـــور |❤

    نـــور |❤

    #3


    أحلى الحوآجب اللي تبدأ كثيفهـ وبعدين تنحف

    تدريجياً بشكل يتنآسق مع بدآيهـ الحآجب الكثيف

    مثل حوآجب حليمهـ وأمل العوضي

    وكثآفهـ الحآجب تزيد الوجهـ جمال ،، معروف هالشي

    بمنطقهـ الخليج ......... تسلمين عزيزتي ع هالموضوع الشيق

    يستحق التقييم فعلا ً .. ثآنكس ~

  4. الصورة الرمزية مس ديآلآ

    مس ديآلآ

    #4
    موضوع أكثر من رآئــع ,,

    وجهد يستحق الششكر & آلتقييم ,,

    تسسلم إيدك عآلنقل آلمفيد ,,

    لآ خلآ ولآ عـدم يآآآرب

  5. الصورة الرمزية MiSs moOni

    MiSs moOni

    #5
    موضـــوع رااااائع

    يسلمــــووو يالغــلاآآآ


    يعطيك الف عـــآآآفيه

صفحة 1 من 2 1 2 الأخيرةالأخيرة

طالعي أيضاً:

  1. موسوعة الامراض وعلاجها بالأعشاب
    بواسطة عاوزة أجوز في المنتدى الصحة والغذاء ~
    مشاركات: 52
    آخر مشاركة: 06-07-2012, 03:47 AM
  2. موسوعة حلويات الشيف أسامة السيد بالصور
    بواسطة عاوزة أجوز في المنتدى الطبخ ومستلزماته ~
    مشاركات: 45
    آخر مشاركة: 05-19-2012, 09:43 AM
  3. موسوعة الأحلام ..!
    بواسطة نـــور |❤ في المنتدى العلاقات الاجتماعيه وتنمية القدرات والثقه بالنفس ~
    مشاركات: 6
    آخر مشاركة: 03-17-2012, 02:38 AM
  4. جل الحواجب ~
    بواسطة Ṧwёёt Ḿάŗŏ في المنتدى صور مكياج عيون 2012 - ميك اب تجميل عرايس
    مشاركات: 4
    آخر مشاركة: 02-17-2012, 09:39 PM
  5. كيفية رسم وتحديد الحواجب
    بواسطة Ṧwёёt Ḿάŗŏ في المنتدى صور مكياج عيون 2012 - ميك اب تجميل عرايس
    مشاركات: 3
    آخر مشاركة: 10-24-2011, 02:47 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •