السلام عليكم و رحمة الله و بركاته

رأيت في منامي أني أنا و أختي المتزوجة بالسوق و كنت أبحث عن فستان

لي ولكن ماعجبني أي شي .. وأختي كانت تقولي خذي هالفستان

وشوفي هالفستان حلو .. ولكن كنت أرفض وأقولهآ مو عاجبني أي شي و لا نفس

اللي ببالي .. ورأيت فساتين ألوان و أشكال بعضهآ قصير و عاري وفيهم فصوص

وايضا ماعجبوني .. بعدها أخذت أختي ( سروال داخلي لونه أصفر ) مع بلوزة

بيضاء و طرفها أصفر وتقولي خذيهم حلوين مع بعض

و كانت تستهبل وتضحك وهي تتكلم وأنا مسكتهم وكنت أتكلم وأنا مبتسمة وقلت لها

لا وين هذا سروال داخلي وأصلا مو متناسق الصفار اللي بالسروال مع اللي بالبلوزة

( مو نفس درجة اللون يعني ) بعدها قلت لها خلاص خلينا نروح لمحل ثاني

واشتري أقل شي بنطلون .. ودخلت محل لقيت بناطيل سوداء كثيرة ولكن قماشها

كان أقرب للحرير ويلمع .. بعدها قلت للبائع في عندك بنطلون أسود ولكن القماش يكون

مثل هذا ؟ ( بالرؤيا أشرت له على بنطلون أقرب للجينز ) يعني ماعجبني البنطلون

الحرير و كنت أبي بنطلون أسود لكن قماشه جينز يكون .. رد علي البائع

وقال مافي لكن خذي الأسود الحرير قماشه حلوو وآنا كنت أناظر بالحرير كان في

واحد من البناطيل السوداء الحرير قماشه متنسل ( وقلت بنفسي هذا اللي

قماشه حلو ؟ ) .. بعدها قلت له لا ماابي ..


وانتهت الرؤيا .. آسفة عالإطالة ..


معلوماتي : عزباء حالتي الدينية متوسطة

أما أختي : متزوجة ليس لديها أطفال وتعالج للحمل .. حالتها الدينية متوسطة

جزاك ربي الجنة ..