السلام عليكم ورحمه الله وبركاته
بدخل بالحلم مباشره :
حلمي كان انني كنت في جزيرة ويحيط بالجزيرة بحر هائج بسبب الرياح، وكان ارتفاع البحر قوي جداً لدرجة انه يغرقنا ثم يهدا،، بعدها هربت لبيت قالوا اللي معي انه يحمينا، وكان في اعلى البيت شباك صغير ، وماكنت اشوف او اميز ناس قدامي ولكن اتذكر جيداً حرمه ومعها طفلين، فتحت الشباك عشان اشوف البحر وتفاجأت ان البحر انقسم نصفين ومن خوفي سكرت الشباك وقعدت ادعي ثم استجمعت قواي وصبري وقلت لازم اشوف البحركيف ينشق، فتحت الشباك مره ثانيه ولقيت البحر منشق ومرتفع امواجه فووق والمكان اللي انشق عنه البحر كان ارض مافيها علامات الغرق او الماء وفيها اشباه موتى او جنائز، مره ثانيه من الخوف سكرت الشباك وناديت امي وجات امي وكان ردة فعلها هادئة جداً وبدون انفعال وردت تقول "اي والله كأنه اهل الكهف المذكور بالقران " وبعدها اختفت امي،،
بدا البيت يتحرك وانا ماوقفت دعاء وهو يمشي بالبحر واحاول اتمسك بأي شجره او شي ثابت ينقذني، فجأة وقف كل شي وطلعت من البيت ادور مكان امن و وقالت لي وحده لازالت الحرمه وطفلينها في البيت قلت ماقدر ارجع وخليتهم وهي رجعت لهم، وقفت في نص الشاطئ مصدومه ورجع البحر هاج وارتفعت امواجه وطاحت الموجه علينا قمت هربت لتحت جبل عشان يمنعني من الماء وكنت جالسه بجنب الحرمه والطفلين وهي تقول البحر ماراح يوقف الحقوا الباص ، قمت مشيت من ورى الجبل الحق الباص ومالحقته ولقيت نفسي جوى مدينه مختلفة تماماً عن البحر وهيجانه والناس اللي فيها مو حاسين بشي ويضحكون ويغنون ومافكروا في هيجان البحر وانا كنت خايفة وادعي ومستغربة من الناس بشدة. وانتهى الحلم ثم قمت النوم مفزوعه لمنظر شق البحر وكنت متضايقه وامسك بزوجي وهو نايم بقوة....


الحالة الاجتماعية : متزوجه ومستقرة ومبسوطة مع زوجي ولكن عندي مشاكل صغيرة مع اهل زوجي
الحالة الدينية : متوسطة احافظ على الواجبات فقط

شكرا لك وبانتظارك ،،،