السلام عليكم ورحمة الله وبركاته


حلمت انه كنت بصاله وكانت امي على يميني واقفه واخواني الأثنين على يساري جالسين

وكان البيت مهو بيتنا ولا عمري شفته بالواقع فكانت غرف بابها مفتوح على الصاله وشفت انه كان فيها رجال مطوع

يضرب حرمه وكانت هالحرمه زوجته ومشبهه بالحلم عليها انها خالتي بس مو متاكده

بعدها قمت انا اصارخ عليه واهاوشه كني اقوله المطوع مايعنف الحريم

فشفته طلع وكان رجال غريب علي بالواقع ماقد شفته فلما طلع كان لابس لبس رجل متدين تماما

وكان معصب قمت انا اهاوشه وامثل اني اصلي واقرى ايه قرائنيه كنها للطلاق او عن الرئفه عن الحريم بس ماتذكر هالايه وكان تمثيلي انه احط يدي على صدري بوضع الصلاه واقرى هالايه وسويتها بسرعه وكان القصد منها انه انت تقرى القران بالصلاه وماتطبقه

بعدها جا بيضربني قام اخوي الصغير مسكه عشان لايضربني وشفت اخوي اللي جالس يطالع فيني بنظرة الشفقه يعني انا اشفق عليه ( وهالمنظر مر علي بحلم سابق نفس النظره اخوي كان يطالعني بنظره كانه حزين يبغا مني شي )

بعدها شفت نفسي واقفه مع ناس يوزعون صدقات بنفس البيت وكنت انا واقفه معاهم كني ارتب الصدقات اللي يوزعونها واقولهم انا بتصدق بالقراءن لعمر بن الخطاب والرسول عليه الصلاة والسلام
وشفت اسم عمر بن الخطاب اول اسم كان مكتوب

وقمت من النوم ..



انا عازبه ادرس جامعه حاله الماديه متوسطه اخوي الصغير محافظ على الصلاه اخوي الكبير اللي يطالعني لايصلي الله يهديه

انا ملتزمه اقرا القراءن يوميا يعني صفحه صفحتين محافظه على سورة الملك والسجده يوميا

اتصدق عن طريق مقاطع دينيه انشرها صدقه لكل الناس ..