الحاله الإجتماعيه: غير متزوجه
الحاله الدينيه: عاديه
الحاله الصحيه: الحمدلله

السلام عليكم

الحلم له تقريبا 7شهور
ماأذكر بأي وقت

حلمت ان وحده من قريباتي من اهل ماما بتتزوج او بتملك ماأذكر بالضبط,وكان كل شي ببيت جدتها,وجدتها تصير خالتي..
خالتي عزمت بنات خالي الله يرحمه بس ولاوحده فيهم حضرت العزيمه,من بكره خالتي كلمت بنت خالي الكبيره وهي متزوجه,فسألتها خالتي ليش ماجيتوا قالت السياره حقت اخوهم خربانه وماقدروا يحضروا العزيمه,بس ماأدري هل كانت السياره خربانه من جد او بس مجرد عذر عشان مايحضروا,وانا كنت وقتها جالسه جنب خالتي وهي تكلم بنت خالي,وفجأه لقيت نفسي عند بنت خالي وهي تكلم خالتي وكان بيد بنت خالي بيبي وبس يبكي مو راضي يسكت وانا نفسي اخذ البيبي منها عشان تقدر تكلم خالتي كويس,الا فجأه سكت البيبي وماصار بيني وبين بنت خالي اي كلام..
وفجأه لقيت نفسي آكل واللي اتذكر انه كان موجود هو الوالد وولد خالي..
ولد خالي كان واقف جنبي وكنت اشرب بالملعقه من الزبديه شوربه وصار باقي شوووي ,رحت فضيت الباقي من الشوربه على الزبادي الثانيه,الا اشوف ولد خالي اخذ ملعقه بس مااتذكر اذا كانت ملعقتي او ملعقه جديده,المهم اخذ ملعقه واكل من الشوربه حقتي وانا اطالع فيه ومستغربه ليش ياكل من بعدي!!
رحت حطيت الباقي من الأكل كله على بعض,شلت الصحون والزبادي والملاعق اللي ماهي نظيفه ووديتهم للمطبخ عشان اغسلهم واخلي بنت خالي ترتاح من غسيل الصحون,الا جا ولد خالي وانا اغسل الصحون بالمطبخ ووضع يده على جسمي من الخلف وبالذات على المؤخره(اعتذر على اللفظ)رحت انا ابعدت يده وانا متضايقه منه ورجعت كملت غسيل الصحون.. انتهى الحلم