السلام عليكم ورحمة الله وبركاته ..

حلمت انه كني قاعده في صحن سيارة الوانيت > ( سياره لها خلفيه مفتوحه من ورى )

وكان معاي بابا وماما وكانو مو واضحين بالحلم فشفت لبوه جايه علينا من جهة ماما وبابا وانا كنت خلفهم وكانت تمشي ببطئ وتشم وقربت من ماما وبابا وكانو جنب بعض والا شوي اشوف

اسد بنص صحن الوانيت قدامي كان يشم ماما وبابا كنه بياكلهم هو واللبوه انا خفت وكنت بهرب بهدوء وقعد افكر اقول كيف اترك بابا وماما ياكلونهم وجيت بهرب بهدوء

بس الاسد حس فيني فقمت هربت بسرعه ودخلت تحت السياره ولحقني الاسد بسرعه وكنه يدخل يده وبيصيدني قمت طلعت بسرعه من تحت السياره اركض في ممر ضيق مثل الممر اللي داخل البيوت

وكان هالممر معفوس وفيه مواعين ودواليب مطبخ وانا اركض قفزت فوق الدولاب والاسد جاي جهتي وكنه يقدر يطلع بس انا عشان لايطلع قمت ارمي عليه ملعقه وتضرب براسه بين عيونه

وكنت كل ما ارمي عليه اشفق عليه لأنه أحس انه يتألم وما ودي ارمي عليه الملعقه بس مجبوره عشان ادافع عن نفسي

وبعدها شفت اخوي الصغير كنه واقف في الممر واقوله انا بشغله وانت اهرب بسرعه وهو كان مبتسم وعادي يطالع في الاسد وخلص الحلم على انه انا اقول لاخوي اهرب

وانا برمي عليه او بشغله وكان الاسد جالس مستعد للهجوم يعني كنه بيهجم علينا اذا وقفت رمي الملاعق عليه


وقمت من الحلم مفزوووعه وقلت الحمدلله على نعمة الامن والامان ...


وانا ادرس جامعه غير متزوجه ملتزمه دينيا اقرا اذكار الصباح والمساء يوميا حلمت فيها قبل اسبوعين تقريبا الصباح على الساعه 9 تقريبا

وبابا متوفي من وانا صغيره قبل ادخل المدرسه الله يرحمه وماما عايشه ارمله

والسياره اللي كنت فيها كذا كان شكلها .. مع العلم انه ماعندنا سياره مثل كذا الا خالي عنده السياره مخليها للعمال



1324404984323.jpg